Videos

Comments

• 

  Ihikapalaumaewa March 5, 2008 at 2:27pm

  O ka mea nui, he hoike aloha i ka lahui kanaka ke kumu nui o ke kue ana i ka poe Amelika ma ia aina. No Amelika ia wahi? He nui wale na kumu i koho ia ai ua hale alii nei i wahi no ka hoike ana ae i ke kue ana i ka pila o Akaka a me Kau Inoa. Aole loa ia wahi he hale hoikeike no ka poe malihini, ea? O ka hale alii o iolani kahi i komo ino a noho ino ai na puali koa o Amelika. Mai ia wahi no i hoike aku ai Ka Moiwahine o Liliuokalani i kona kue i ka hana ku i ka hewa a ka poe Amelika. Ma ia wahi no i hoopaahao ia ai Ka Moiwahine o Liliuokalani. Ma ia wahi no hoi e kuu iho ai kuu hae aloha o ke Aupuni Hawaii me ke kau ana o ka hae o ka lahui e o Amelika.
  
  Kohu mea la, aohe ou manao no ka hoohana ino ia ana o ko kakou aupuni e ka lahui e me ko lakou poe malihini. Pehea la ka noho ino ana o ka lahui e ma loko o ia hale alii? Ma laila no ka hewa. Aole ke kapitala o ka mokuaina o ko kakou kapitala ponoi. No wai keia hale? No ke Aupuni Hawaii. O ka hale alii o Iolani, o ia no ke kapitala maoli o ke aupuni Hawaii.
• 

  keanini March 5, 2008 at 12:43pm

  E wehewehe mai kekahi iau no ke kumu i hana ai lakou pela? No ke aha lakou i komo loa ai i loko o ka hale alii o Iolani i mea e hoike ai i ko lakou kue ia Akaka a me Kau Inoa? No ke aha lakou i kue ole ai ma ke kapitala aia ma hai aoao o Iolani? He hale no ia o na alii i hala - he aha ke kumu i koho ia ai ke komo ana i loko o laila (me ka ole o na booties)?
  
  Aole maopopo iau - e wehewehe mai