Aole ae kau i ka pulimaMaluna o ka pepa o ka enemiHoohui aina ku ai hewaI ka pono sivila ao ke kanaka.Aole makou ae minaminaI ka puukala a ke aupuniUa lawa makou i ka pohakuI ka ai kamahao o ka aina.Pehea la kakou, e na oiwi o nei kulaiwi, e holomua ae ai? Ma lalo ana no o na kapuai wawae o na poe no ka aina e? Na wai kakou e hooponopono? Na ka poe o Wakinekona? Aole anei, na kakou e auamo i ia kuleana?E nana ae i na olelo noeau e waiho aela no ke Mele Aipohaku. Aole anei e hoike nei ia kakou i ke kumu e hookuokoa ai i ko kakou aina.Kau i ka pulima? Pehea la kela papahana o Kau Inoa? Aole ia he pepa o ka enemi? No laila hoi, mai no oukou a kau i kou pulima ma ia pepa o lilo hou auanei ka pono sivila o ke kanaka.Pehea ka puukala? Nui ino ka namumanu o ka poe ano huikau i ka loaa ole ana o ke kala pekelala ke ole ko kakou kakoo i ka pila o Akaka. No ia kumu e kakoo ae nei keia poe kanaka makee kala i ia pila. Aue ka huikau e!I kulike ai me ka manao o ia mele ae nei, e nana wale kakou i ka ai kamahao, o ia hoi ko kakou aina aloha. Ua mau ke ea o ka aina, aole ke ea o ke kala!Aloha Aina OiaioIhikapalaumaewa
Comments
aloha nui
Kai