I ka makahiki 2004 i ka mahina o Nowemapa, ua lo'a ke kuhewa ia ko'u tutu wahine. Aale makou i ike no kona ola ana no ka manawa he nui...ua hai na kauka ia makou, "elua mau mahina i koe no kona ola ana". Hu a'e ka hali'a, ke kaumaha a pela aku...Ma ka hale o kuu tutu, aia na kumulaau kukui - he nui. oia ko'u halia ana mai kuu wa liilii. I ka halia ana o kela hale, 'oia ke kumu kukui ka halia mua loa. Ua haku ia keia mele no kuu tutu, ua haawi aku ia ia no ke kalikimaka o ka makahiki 2004. Ua hala aku la i ka mahina o Iune - 2006. He wahi aloha aku ia kuu Tutu. ak


I Maka‘eha, he kukui i aloha ‘ia
E alo ka ha i ka malu mānoa loa
Noanoa ka malu no ke kauhihi
E hihi ka malu hālau i ke aloha

E mānu‘unu‘u nā lālā weu lani
Nā mana e lālau i nā kini a ka lani
Ka ‘olu o nā lālā e hi‘ilei, e hi‘ipoli
E hi‘ilani ‘ia e nā kama, e nā lani

Nui ka uluwehi, nā lau nahelehele
Helele‘i nā lau hie, nā lau hina ulu
Ulu a a‘ea‘a mōhala, e kau i ka hano
Hanohano no ‘oe, he kumu i aloha ‘ia

He kumu ola ‘oe e pō‘ai me ka welo
E nā hanauna e pipili me ke kohu
‘Ohu‘ohu a pohai me ka hanu hīnano
E hānai ‘ai me ka wai a ka puna lani

E puana mai ka hā‘ina a i ‘ike ‘ia
I Maka’eha, he kukui i aloha ‘ia
Hanohano no ‘oe ma nā lapa o Kula
E kau i ka ni‘o i ka puaneane.

Views: 35

Comment

You need to be a member of Maoliworld to add comments!

Join Maoliworld

© 2020   Created by Ikaika Hussey.   Powered by

Badges  |  Report an Issue  |  Terms of Service